*«وعد النجوم»* شـعر لـ نجــلاء ســليمان البــوادي

137

 

 

صحيفة ((عدن الخبر)) خاص

وعد النجوم

 

 

يا نجيمات
كلميني وقولي لي
وين فات حبيبي
كلميه وقولي لي
اوعك تغيبى
خبريه كتر نحيبي
طال عذابي تعب طبيبي
يا نجيمات
سافري فوتي واسأليه
قولي ليه حرام يفوت
زول مشتهيه
لو كان بعيد لي قربيه
هل البعاد ما كان بي ايدو
ولا القدر اجبر حبيبي
ليه تسيبي
ليه يفوت من غير يقول
انا ليك راجع
وليه يفوت من غير يكلمني
ويوادع
وليه يهون البينا تتفتح مواجع
ابقي مرسال خير
وقول ليه الحقيقه
كلميه ..الوحده قاسيه
وروحي لي روحك رفيقه
كيف تفوت ترحل تسيبا
والبعاد يصبح نصيبا
انت عارف انه صوتك كان دواها
وكان طبيبا
كان الفرح وكت الحزن
وكان المزن
وكان الخريف وكت الشمس
تكويه بي نيران لهيبا
يا نجيمات وين فات حبيبي
كتر نحيبي
اعياني نوحي
يلا فوتي وليه روحي
خلي يرجع ما حرام
كترت جروحي
وجيبي ليا
حتي لو كان في الثريا
بعيد مناله ما تسيبي
بتنادي ليك روحآ وليفه
اضناها بعدك ذاد نويحا
ما يلا رجعي يا نجيمات
اوعديني

نجلاء سليمان ( البوادي )

 

 

 

قد يعجبك ايضا