محمـد بـدحـــيل يكتب.. *#العن ابوها الزرة.. لا ماء لا كهرباء وزيادة الغلاء*

180

 

 

صحيفة ((عـدن الخــبر)) كــتابات حـــره

 

 

#العن_ابوهاالزرة
#لاماءلاكهرباءوزيادةالغلاء
ياعالم ياهوه يابشر متى باتصحوا .. متى باتحسوا متى ..!!
الكهرباء بعز الصيف وقبل يجي الاملس كانت اقصي شى تطفي4ساعات وفي الصيف ركزوا معي ..
والشتاء اجاء والاملس اجاء ولاشفنا اي تحسن ولكن على العكس نقص وشفط الديزل واحيانا تلصي ساعتين .. ولاشفنا خطه ولاعمل مستقبلي ولاحل ولاحلول .. ولكن يضحكوا علينا بحركات وتصريحات وقرارات وهنجمه ولاشفنا احد اتعلق بالكامبه ولكن شفنا الاملس يتقرع خمس حبات كبده بلدي معه الشله وكانه عمل بطولي وشفناه يسوي حركات وطبعا كله اكشن واكليشه وفي مطبخ يساعده هذا غير الي يطبلوا طبع مش تطبع وفي الي يصفق نكايه بالاخرين ..
مالا اتقوا ربكم ارحمونا ..
نحن نعاني ونقاسي المر ولاحد يحس فينا الماء يجي لنا بالقطاره ويبهذلنا كل يوم وكم يادينمه حرقت وكم ياحنفيه وكم ياخزان ندور للمي كاننا نبحث عن النفط .. وانتوا تطبلوا لهم وتتحاربوا وهم يتقاسموا وويجتمعوا ويوزعوا ويصرحوا وانتوا تصفقوا وتتناجموا وتتشاقفوا وتعلنوا انتصارات وملاحم وبطولات ..الكيلوبطاط بالف والطماط بالف والباميه الف والقرص الروتي سع صبعي بعشرين ىيال ولافي حد منكم يعيش مانعانيه وتزعلوا لو صرخنا او اشتكينا تشتونا نصفق ونطبل وممنوع علينا نبكي ولانشكي وانتوا عايشين الدور ومصممين انكم الجنوبيين والمقاوميين والصامدين والي يعترض ياويله منكم ويل باتسندفوا امه سنداف وباتطلعوا امه اكبر متامر ودحباشي وعرب 48
اتقوا الله الكهرباء ميح والمي مقطوع والغلاء دوخ بنا ارحمونا ..اوقفوا الطبال حقكم نحن نعاني ونقاسي حاولوا ترحمونا ..ارحمونا ارحموا من في عدن يامن تعيشوا بالكلام والشعارات بالفيس
#محمدبدحيل

قد يعجبك ايضا