*جديد الشاعر بن سنان // #بالحب_موعود*

766

 

 

*صحـيفة ((عـدن الخــبر))خــاص

 

 

هذا القدر هو عند ربي مكانه
والوِد باقي وسط قلبي ومعقود

لا مانسيتك يوم يالخيزرانه
والنبض بين عروق هالجسم موجود

فررغت لك شُطأآن بحري ومَانه
وزرعت لك بستان من تين وورود

حتى استعنت بذكر ربي استعانه
يوم الحليله جات وتروح وتعود

ظنيتني بنسى و لاشي ضمانه
كل ماعَزَمت اني الى الشوق ماعود

افضيت لك بالروح مليار خااانه
ون هي خَليَّه ..قلت #بالحب_موعود

عبدالحليم ومات وللا زمانه
موعود غنى حب وعذاب وصمود

ذا هاجسي المجنون صررح جنانه
ورد الحليله قاف من قول مورود

ذي بين ضلعي شي منطق حنانه
لو من ثلاث ارباع اسقيه للنود

شفتي جموع الناس تطلب دُخانه
تشري وتدفع مال شيكات ونقود

لكن مقام الزين باقي عشانه
جذري على الجودات ياأصل محمود

صابر اصيل النفس يطلق عنانه
لوهي سلاسل ضيم مربوطة قيود

من جاب اسمك له يصهل حصانه
يورد مع الميراد في ارض نمرود

منطوق اسمك شال حربة سنانه
معلن نفير الحرب بعيونك السود

تذكر جنون الحب عادك امانه
لما البراءه جات في قلب مولود

لما الدراسه صَف قاعة لجانه
موجود فيها بس..ماكنت موجود

طالب معه كراس اسمك آذانه
يكتب حروفك بين صفحات وبنود

صلى عشانك ليل كنك ديانه
وانتي كما المحراب في بر وحدود

شاجع اصيل وكان يكسب رهانه
يبدو عليه الصمت لوكان مكبود

لكن عزيز النفس عاف المهانه
شامخ على الايام كالطود جلمود

قالو بأنه زير يهوى الخيانه
لكن حقيقه كان هو فيك معبود

اقسم على النسيان في الف دانه
لكن جنونه فيك هو غير محدود

واسمك اخذ كل شي حتى كيانه
مثل المطر والسيل من مزن ورعود

واعذب قصيدي اختار شاهد عيانه
بين الزمن والحال ماكان مقصود

موسم شذى من عطر غصن اللبانه
يبقى وطول العمر في خير مشهود

يبسم ويهنا لين آخر زمانه
واحمدك ربي دوم بقيام وسجود

عوض احمد بن سنان

قد يعجبك ايضا