إعتراف .. اعترف باني اليوم بكيت من اعماق اعماق قلبي لموقف حصل لي في شارع التسعين ..

87

 

عدن الخبر/ كتابات حرة

 

إعتراف ..
اعترف باني اليوم بكيت من اعماق اعماق قلبي لموقف حصل لي في شارع التسعين ..
وقفت سيارتي بشارع ا
!!!!!!! امام البريد وكنت مبسوط جدا وبدايه تخزينه تعرفوا كيف الواحد بدايه التخزينه منتشي ومبسوط ومشغل ابوبكر بلفقيه ونازل استلم راتبي ..
استلمت خلصت طلعت سيارتي التفت اشوف بنت شابة بيضاء محتشمه احتشام عجيب والله العظيم عيونها ما تنشاف كانت تقول لصاحب سياره الله يخليك اشتري مني منديل طبعا والله حتى وهي تمد المنديل يدها ما تنشاف . انا طبعا اتابع بصمت ومذهول من هذه الحشمه منظر اذهلني جدا .
ناديت البنت قلت لها تعالي هاتي منديل قالت خذ الله يحفظك ويفرج همك لانك اشتريت مني . قتلني الفضول سألتها ليش تشتغلي ؟
ردت علي رد جعلتني ابكي بالصوت امامها ماقدرت اتمالك نفسي .
قالت معي ابن رضيع اشتغلت اليوم عشان اشتري له حليب من الصباح مارضع وزوجي له شهر غايب يقولوا نزل يقاتل بالجبهه .. واقسم بالله اول يوم في حياتي ابيع لاني خلاص مضطره ماعندي الا هذا الحل . سألتها ايش نوع الحليب الي تأخذيه لولدك قالت كذا . قلت خليك هنا ثواني .رحت الصيدليه اخذت لها حليب يكفي ولدها باذن الله سته اشهر وحفاضات وحطيت مبلغ في كيس ورجعت وهي واقفه جنب الصراف يعني ماكانت تبيع .. اعطيتها . الي صدمني انها رجعت الفلوس اصريت عليها لكنها اقسمت ما تأخذها .اخذت الاغراض .والله الذي لا يعبد سواه انها بكت بكاء مرير جدا جدا جدا . قالت يااخي الله لايذلك ولا يحطك يوم من الايام بموقف زي هذا اخذت الاغراض ووقفت باص وراحت ..
مر القات بفمي ضاق صدري ..سيارتي مظلله بالكامل جلست ابكي على الدركسون تقريبا خمس دقايق . اتخيل ولدها يبكي مش لاقي حليب ولا هي قادره تأكله شي غير الحليب لانه طفل رضيع ..كنت رايح اخزن مع اصحابي بطيرمانه فندق فاخر كنسلته سكرت جوالي .. حمدت الله على النعمه الي انا فيها غيري مش لاقي حق الحليب واحنا نخزن بطيرمانه بعشره الف ريال دون القات والشيشه والماء والامور الاخرى ..
الدولار اليوم ب620 والسعودي ب165 ؟؟
البلد بالهاويه الناس وجوهها شاحبه الموظفين بلا رواتب الفقر زاد بشكل غير طبيعي . اسر كانت مستوره الان اقسم بالله يناموا جيعانين ..

يارب لطفك بنا فانه لا ملجأ او مخرج الا منك واليك وحسبي الله ونعم الوكيل على من اوصلنا لهذا الحال ..
😳😭😭😭😭

Awadh Maroof Bagersh

قد يعجبك ايضا